* Ev nûçe ji Jinnewsê hatiye wegirtin. Nûçeyê Öznur Değer nivîsandiye û em li vir kurt didin.
Leyla Saraç helbestvan e. Pênc caran hat girtin. 14 salan di girtîgehên Tirkiyê de êsîr ma. Helbestên xwe yên pêşîn di girtîgehê de nivîsî.
Heta niha sê pirtûkên helbestan çapkiriye: “Zerya”, “Werzeba” û “Dema tu çûyî”. Ev pirtûk ji aliyê weşanxaneya Aram ve hatine çapkirin.
Leyla wiha dibêje: “Li zindanê me gelek pirtûk xwendin. Li ser dîrok û rastiya welêt. Ev di hundirê mirovan de hestan çêdike. Hûn dixwazin wan hestan bixin nava helbestê. Min jî hezkirina welat, hevaltî û çiyayan nivîsand.”
Leyla berdewam dike û dibêje:
“Di van pêvajoyên dawî de li tevahiya Kurdistanê bi taybet di warê ziman û çandê de êrîşên dijwar diqewimin. Şanogerê Kurd Bavê Teyar tevî gelê me yê sivîl di bendava Tişrînê de şehîd bû. Binçavkirin, komkujî û sêdareyan em jiyan dikin. Divê li dijî van helbestvan û nivîskarên kurd dengê xwe bilind bikin.”
