* Wêneyên nûçeyê nûçeyê ji Ajansa Welat hatiye girtin.
Helbestvan Leyla Saraç pirtûka xwe ya nû li Cizîrê îmze kir. Helbesthêzan eleqeyek baş nîşan dan.
Pirtûka bi navê “Dema Tu Çûyî” meha borî (2024-Kanûn) derketibû. Pirtûk ji aliyê Weşanxaneya Aramê ve hatiye çapkirin û ji 72 rûpelan pêk tê.
Leyla Saraç bi Helbestvan Herdem Mervanî re beşdarî roja îmzeyê bû. Herdem Mervanî axaftinek kir û bal kişand ser biryara îdamê ya li ser rojnameger û helbestvana kurd Pexşan Ezîzî û got:
“Divê em li dijî vê biryara îdamê li her derê dengê xwe bilind bikin. Ji ber ku biryara îdamê ya li Pexşan Ezîzî hatiye birîn li me hemû kurdan hatiye birîn.”
Piştre Leyla Saraç çend helbestên xwe xwendin û helbesthêzan bi kêfxweşî guhdarî kirin. Beşek ji helbesta “dema tu çûyî” wiha ye:
“(…) dema tu çûyî
helbestên xwe yên lîlanî
ji beytikên xewnên min re bihêle
û mistek xwestekên bêdeng
ez ê her û her
di boxçika dilê xwe de veşêrim (…)”
