* Helbestvan û Rojnamevan Bayram Balci îro du nûçe parve kirin.
Bayram Balcı
ÊRÎŞÊ KOMELEYA WÊJEKARÊN KURD KIRIN
Polîsên desthilatdariya faşîst a AKP û MHPê dijminê her tiştê Kurdewarî ye.
Polîsan vê carê jî li Peyas a Amedê êrîşî Komeleya Wêjekarên Kurd kiriye.
Şev diçin û mifteya deriyê saziyê hûr dikin û dikevin hundir.
150 pirtûk û 1.500 rojnameyên saziyê bi xwe re dibin.
Hevsorekê Komeleya Wêjekarên Kurd Rêdûr Dîjle gotiye: “Çima êrîşî saziyê kirine em nizanin.”
Encamê ev gotin dikevin ber me:
1- Li gorî qanûnên Tirkiyeyê polîs bêyî destûr nikare bi ser saziyekê de bigire. Lê qanûn bo aligirên faşîzmê ye. Li Kurdistanê derbas nabin.
2- Polîs bûne diz. Pirtûk û arşîvên rojnameyan birine.
3- Careke din derket holê ku gotina wan a “biratiya tirk û kurd” derew e. Her tim zirarê didin Kurdan.
4- Li gorî qanûnê polîs ji parastina mirovan û saziyan berpirsyar in. Lê dîsa derket hole ku polîs parastina mirovan nake. Ew parastina faşîzmê dikin.
5- Deriyê komeleyeke kurdan şikandin. Ev vandalîzm e.
PIŞTÎ 30 SALÊN GIRTÎGEHÊ PÊŞANGEHÊK VEKIR
Abdullah Babat li zindanên dewleta Tirk 30 sal êsîr ma. Ew roja 15.04.2022 hate berdan. Babat doh pêşangeheka wênexêziyê a bi navê “Hêvî”yê vekir.
Pêşangeh li Galeriya Hunerê a Şaredariya Rêya Armûşê hate vekirin. Babat 30 tabloyên xwe pêşkeşî wênehezan kir û got:
“Ez 30 sal li girtîgehê mam. Xeyala min bû. Min digot rojekê ezê pêşangehê vekim û wêneyên xwe nîşanî gel bidim.”
Hevserokê Şaredariya Wanê Abdullah Zeydan jî serdana pêşangehê kiriye. Zeydan yek û yek li tabloyan nêriye û li Babat pîroz kiriye û gotiye:
“Her tabloyek berxwedanê nîşan dide. Îro em di her tabloyekê de berxwedana 30 salan -di nava çar dîwaran de- dibînin. Ji bo wê pir bi hêja ye.”
Abdullah Babat jî got: “Tu bi salan e di girtîgehê de yî. Te der, gundê xwe, xwezayê, çiya û ava Kurdistanê nedîtiye. Ji ber vê yekê wênesazî ji bo me wek terapîyekê bû.”