*Ev nûçe ji Bultena Çandî ya Medya Haber TVyê hatiye wergirtin.
Wênesaz Tîmûr Çelîk doh li paytaxta Almanya Berlînê ji ber nexweşiyê koça dawî kir. Wênesaz ji sala 1993an ve li Almanyayê jiyan dikir û nedixwest vegere Tirkiyeyê.
Çelîk beşdarî gelek pêşangehên navneteweyî bû. Taybetî pêşangeha Berlînê ku li Künstlerhaus Bethanienê vekirîbû, bal kişandibû.
Tîmûr Selçûk di vê pêşengehê de Berxwedana Kobanêyê xêz kiribû.
Dîsa tabloya “Servet Turgut û Osman Şiban” jî pêşkeşî wênehêzan kiribû. Wek tê zanîn dewleta Tirk Turgut û Şiban girtibûn, îşkence li wan kiribûn û ji helîkopterê avêtibûn.
Wênesaz Tîmûr Selçûk wê rojê gotibû: “Ez dixwazim bi vê pêşangehê notekê li dîrokê bihêlim.”
Çelîk sala 2020an ji Rezan Aksoy re hevpeyvînek kiribû û sedema venegera Tirkiyeyê wiha vegotibû:
“Kurd ji helîkopteran tên avêtin. Ermenî tên tehdîtkirin. Rojnamevan, hunermend û mûxalîf di zindanan de ne. Elewî bo lêpirsinê tên qeyd kirin. Ez vegera welatekî wisa red dikim.”
