Xelatên Gilora Zêrîn ji bo fîlmên sînemayê û rêzefîlm û pêşandanên televîzyonê têne dayîn.
Merasîma xelata ewil sala 1944an hat lidarxistin û îsal merasîma 82emîn hatin belav kirin.
Xwediyên xelatan ji hêla komeke ji 100 rojnamevanên navneteweyî yên ku li Hollywoodê dixebitin têne destnîşankirin.
Îsal fîlma “The Brutalist” xelata “baştirîn dramayê” wergirt. Fîlm ji aliyê derhênerê Amerîkî Brady Corbet ve hatiye kişandin. Çîroka mîmarekî cihû ku piştî Şerê Cîhanê yê Duyemîn dixwaze li DYE dest bi jiyaneke nû bike vedibêje. Lîstikvanê sereke yê fîlma sê saet û nîvan Adrien Brody (51) wekî “lîstikvanê herî baş” hat hilbijartin.
“Shōgun” û “Hacks” di kategoriyên TV de bi ser ketin
Adaptasyona edebî “Shōgun” xelata “rêzefîlma drama ya herî baş” wergirt. Fîlm çanda samurayên Japonî vedibêje.
Fîlma bi navê “Hacks” li ser komedyeneka pîr li Las Vegasê ye. Vê fîlmê Xelata Gilora Zêrîn ji bo “komediya herî baş” wergirt.
Di kategoriya dramayê de ji Brezîlyayê Fernanda Torres wek “lîstikvana herî baş” hat hilbijartin. Fîlm çîroka malbatekê vedibêje ku di salên 1970an de bi bandorên hovane yên dîktatoriya leşkerî ya Brezîlyayê dijîn.
Di beşa “Komedî/Muzîk” de “Emilia Perez” xelata yekem wergirt. Fîlm çîroka mafyayekî Meksîkî yê ku emeliyata guhertina zayendê dike vedibêje. Fîlma Pêrez di heman demê de xelata “Fîlma herî baş a bi zimanê ne îngilîzî” wergirt.
Jean-Smart-ji fîlma Hacks