Şehîd Bavê Teyar beriya şehadeta xwe li bendava Tîşrînê ji Ronahî TV û KNNê re axivî. Bi gotinên kurt lê zelal helwesta xwe li hemberî dewleta Tirk eşkere kiribû. Axaftina dawî ya Bavê Teyar wiha bû:
“Tu nikarî moralê me bişkînî. Morala me xurt e. Madem şervanên me hene, wê morala me jî xurt bibe.
Ne tankê te, ne topê te, ne jî bavê te… Tirs nemaye. Kirasê tirsê me çirandiye.
Ev miletê ku hûn dibînin li ser lingên xwe ye. Bombebaran jî tê lê em hemberî wî ne.
Kuro tu lêxe. Emê piştgiriya QSDê ya xwe bikin. Em ji du şervanên xwe navegerin. Xwîna şehîdan… Niha hetanî sibê lê xe em li vir nalivin.”
Ev wêne ji malpera Bavê Teyar ya Facebookê hatiye wergirtin. Dema em li wêneyên Bavê Teyar dinêrin ev yek tê dîtin: Ji zarokan heta mezinan gav bi gav li Rojava geriyaye û moral daye her kesî. Cîhê te gul û nûr be…