* Ev nûçe ji ajansa ANHAyê hatiye wergirtin.
Li bajarê Qamişloyê gelek saziyên hunerî û çandî têkildarî şehîdxistina şanoger Bavê Tayar daxuyaniyeke hevbeş dan.
Daxûyanî li pêşiya Navenda Çand û Hunerê ya Mihemed Şêxo hate dayîn. Saziyên jêrîn beşdarî daxuyaniyê bûn:
Tevgera Mezopotamya ya Çand û Hunera Demokratîk, Hîlala Zêrîn, Navenda Serdem, Komîna Şanoyê, Desteya Çandê ya Kantona Cizîrê, Yekitiya Hunermendan, Yekitiya Rewşenbîran a Kantona Cizîrê, Dîwana Wêjeyê ya Bakur û Rojhilatê Sûriyeyê.
Hunermend Kader Hisên daxuyanî xwend û bang li gelê Kurd û hunermendan kir ku li hember zordestiya dewleta Tirk têkoşînê mezin bikin û got:
“Em teqezî bi piştgiriya gel ji QSDê û YPJê dixwazin.
Rola çalak a Bavê Tayar di parastina çand û hunera kurdî de wê bijî. Em tevgera wî ya daîm û têkoşîna wî ya ji bo doza gelê xwe û welatê xwe silav dikin.
Hunermend Bavê Tayar mîna şehîd Yekta û hevalên wî di dilê her kurdekî/ê de wê stêrkek geş bimîne. Wê hunermend li ser şopa wî û çirûska ku şehîdan li ser vê rêyê vêxistine, bimeşin.”
