Bayram Balci
Hunermendên Wargeha Mexmûrê di şexsê hunermendê şanoyê Bavê Teyar de hemû şehîdên berxwedana bendava Tişrînê bi bîr anîn.
Hunermend Ruheyv Efrînî ku endama Stêra Zêrîn e, destnîşan kir ku dewletên cîhanê çavên xwe ji komkujiyên dewleta Tirk re girtine:
“Gel li Rojavayê Kurdistanê di nava şerekî mezin de ye. Dijmin êdî tiştekî nas nake. Zarokan, ciwanan û jinan dikûje. Herî dawî êrîş li hunermendê navdar Bavê Teyar kir. Kî çavê digire ew berpirsiyar e. Em vê yekê bi tundî şermezar dikin.”
Ruheyv Efrîn wiha berdewam dike:
“Di şexsê Bavê Teyar de hunera Kurdî kuştin. Lewma pêwîste hemû hunermend li hemberî van komkujiyan bibin yek û bertekên xwe bînin ziman.”
Hunermend Yunus Dag destnîşan kir ku ew ê mîrateya Bavê Teyar biparêzin.
Li bajarê Hannover ê Elmanyayê jî Bavê Teyar hat bibîranîn.
Li çalakiyê soza bilindkirina têkoşîna şehîdan hate dayîn û amadekaran gotin:
“Heta ku Kurd nebin xwedî statu û Rêber Apo di aliyê fîzîkî de azad nebe em ê qadên têkoşînê terk nekin.”
