* Ev nûçe ji Bultena Çandê ya Medya Haberê hatiye wergirtin.
Rewşa tenduristiyê ya hunermend Nûdem Durakê giran bûye. Nûdemê sala 2015an ji ber ku stranên Kurdî digot girtin.
Dewleta Tirk a faşîst 19 sal cezayê girtîgehê lê birî!
Aynur Ozer xwişka Nûdemê yê û li Şirnexê jiyan dike. Ozer li ser rewşa dawî dibêje:
“Nûdem niha di girtîgeha Erzinganê de ye. Hestiyên xwişka min dihelin. Her wiha bi nexweşiya Graves a bi jehrî re jî ketiye.
Tedawiyek rast tune. Divê Nûdem bi rêk û pêk bê dermankirin. Ji ber vê yekê em dixwazin ku ew azad bibe.
Em naxwazin Nûdem dengê xwe winda bike. Nûdemê ji me re wiha got: ‘Ez nebaş im û ez nikarim xwe têr derman bikim. Nefesa min kêm dibe.”
Aynur Ozerê anî ziman ku girtîgeh gelekî dûr e û ji ber ku zivistane ew nikarin biçin hevdîtinê. Aynur Ozer bangek hestiyar dike:
“Ez bang li hunermendên Kurd û Tirk dikim. Ji bo ku Nûdem azad bibe û dîsa stranên Kurdî ji me re bêje, em li bendê ne ku piştgiriya me bikin. Me bêriya dengê wê kiriye. Divê Wezîrê Dadê destê xwe bide ser wijdana xwe û girtiyên nexweş serbest berde.”
